Mizoram Open tennis championship awm dawn

Mizorama Tennis Championship hlun ber Renault Kiger 36th Mizoram Open chu April 26, Nilaini aṭanga April 29, Inrinni chhung hian khelh a ni dawn a; tualchhung player ṭha bakah state pawn aṭangin player ṭhenkhat an inlan ang.

Champion lai leh tuna Mizoram number 1 ni bawk Innocent Lalrindika leh number 2 Basil L Khuma-te an inlan dawn. All India Tennis Assocition (AITA) rank nei phak mi pathum inlan tura beisei an ni mek.

Mizoram Open-ah hian men's singles, women's singles leh men's doubles category te khelh a ni ang. Sponsor chu Renault Kiger niin, men's singles champion hian Rs. 40,000/- a dawng ang.

Qualifiers hi vawiin aṭanga khelh ṭan tur niin, round 2 paltlanga semifinal lut chin chu main draw an khel chhunzawm dawn a ni.