Group B an chingfel dawn

Oriflame MFA Cup 2023 semifinal khel tur team pahnih chu vawiinah a hriat dawn. Group B tean an league match hnuhnung ber an khel dawn, team pali ten point thum ṭheuh an nei mek a ni.

An point neih zat a intluk vek avangin tu pawh an tling thei a, tla thei vek an la ni bawk - Khawzawlah inkhel a hmuhnawm dawn. Chawhma dar 11:00-ah Field Veng, Mamit leh Lawngtlai Vengpui an inhmachhawn ang.

Chawhnu lamah Serchhip Kawnpui leh Saitual district aiawh Melveng FC an inkhel dawn, inkhel hmasa lamah chak zawk awm loa an inhnehtawk a nih chuan Serchhip hi point khat lek hmuh belh pawha tlang thei an ni dawn.