EFL-in Burnley an chhui dawn

Championship aṭanga Premier League khel tura inpettling tawh Burnley chu English Football League (EFL) in an chhui chiang dawn.

Clarets hian Inrinni zan khan an mualah QPR an hneh lo a, EFL-in an chhui chian tur chhan erawh April 15, Inrinnia Reading nen 0-0 a inhnektawk ṭum a ni.

Burnley hian Reading an hmachhawn ṭum hian an player neih ṭhat ber an khelhtir lo a, 'match fixing' a ngaih theih a nih avangin an chhui chiang dawn.

Vincent Kompany hote hian thiam loh an chang a nih chuan point paihsak bakah pawisa chawitir an ni ang. Tun dinhmunah Burnley hian match 43 aṭangin point 92 an hmu tawh a, match khata khel tlem Sheffield United aiin point 10-in an hmu tam zawk.

Championship-ah hian team 24 an awm a, season khatah match 46 a awm. A sang pahnih hi Premier League khel turin an ting nghal dawn a, pathumna aṭanga parukna ten playoff hmangin hmunruak pakhat an inchuh ang.

Zanin dar 12:30 hian pathumna Luton Town-in palina Middlesbrough an mikhual dawn a, heta chak zawk hi chu playoff khel turin an dinhmun a ṭha ang.