MFA Cup: Lawngtlai leh Serchhip an tlang

Oriflame MFA Cup 2023 semifinal-ah nimin khan Lawngtlai Vengpui leh Serchhip Kawnpui an inhlangkai. Group A-ah Vengthar GSA-in semifinal an lut tawh a, vawiin hian hmunruak pakhat dang hnawh khah a ni ang a, semifinal khel tur team pali a chiang ang.

Khawzawla inelna neihah, match hnih an khelh aṭangin group B team paliten point thum ṭheuh an hmu. Niminah match thumna khelh niin Lawngtlai Vengpui an chak avangin a chung bera awm chungin group match an khar.

Serchhip Kawnpui leh Saitual district aiawh Melveng FC ten hmunruak dang an inchuh, anni hi 3-3 in an inhnehtawk. Point hmuh zat inangah goal difference nei ṭha zawk Serchhip Kawnpui an vannei ta zawk.