Super Kings an che ṭha zel

Indian Premier League-ah Chennai Super Kings an che ṭha zel a, Pathianni zan khan Kolkata Knight Riders chu 49 runs-in an sawp. IPL inkhel dangah Royal Challengers Bangalore-in Rajasthan Royals run sarih an hneh ve bawk.

Eden Gardens-ah KKR-in vawm hmasak an thlang a, an tifuh lo. CSK tan Ajinkya Rahane-a'n thi loin 71 runs a siam bakah Devon Conway (56) leh Shivam Dube (50) ten half century an siam. Chennai hian over 20-ah 235/4 runs an siam a, Knight Riders hian 186/8 runs chauhin an chhanglet.

Zanin dar 7:30 hian Gujarat Titans leh Mumbai Indians te Narendra Modi Stadium-ah an inkhel leh ang.