Pahnihnaah Marseille an kir

Pathianni zan Ligue 1 inkhelah Marseille chuan Lyon 2-1 in an hneh a, league match 32 aṭanga point 67 hmuin table-ah pahnihna dinhmun an luah let leh ta.

Marseille tana Cengiz Under goal khung chu Lyon striker Alexandre Lacazatte chuan a sut a, hun tawp dawnah Malo Gusto chuan anmahni lamah ti lut palhin Marseille an chak phah.

Ligue 1 hi khelh hmabak match paruk a la awm, a chung bera awm Paris Saint Germain chu champion leh ngei tura ngaih an ni a, pahnihna hian qualifying khelh ngai loin season tharah Champions League an khel thung ang.