MFA Cup 2023 Semifinal khel tur a hriat kim ta

Mizoram Football Association hnuaia inelna Oriflame MFA Super Cup 2023 chu a hmawr bawk a hnai. Tunah chuan team ṭha pali chiah an dam ta. April 27, Ninganiah semifinal khelh chhunzawm tur a ni ang.

Khawzawla inelna neihah nimin khan group A ten an league round an khel zo. Chak ngei ngei mamawh TMFC, Melbuk chuan Lalramchuana leh H. Lalhmingthanga te goal hmangin Bazar FC an hneh a, a thiam pali zingah an inhlangkai.

A thlengtu Khawzawl an tling fel tawh a, an hnung zui tura Melbuk an tlin leh avangin midang tan hmun a awm tawh lo. Inkhel pakhat zawkah Sihphir Venghlun chuan Mizoram Premier League khel tur Project Veng FC chu 4-2 in an hneh.

Tournamnet-ah hian district hrang hrang pakua aṭangin team an feh chhuak. April 29, Inrinni hian a hmawr bawk a ni ang.