World Test C'ship khel tur zingah Rahane

India chuan June 7-11, 2023 hian World Test Championship-ah Australia an hmachhawn dawn. Men in Blue chuan Test C'ship khel tur squad a puang a, Ajinkya Rahane hming pawh a tel.

Kum 34 mi Rahane hian kum 2013 aṭang khan India tan Test match a khel ṭan a, amaherawhchu January 2022 hnuah a khel leh tawh lo. ODI leh T20-ah pawh kum 2018 hnuah India tan a la inlan leh lo.

Amaherawhchu IPL-ah Rahane hi Chennai Super Kings-ah khel ṭha a, World Test C'ship-a inlan thei zingah a tel phah a ni. WTC hi a vawi hnihna a ni a, a hmasa berah India hian final lut mah se New Zealand lakah an tlawm.

Tun ṭum inelna hi 2021-2023 chhunga neih a ni a, hemi chhunga Test match an khelha an point hmuh kha belhkhawm a ni. Australia hi point hmu hnem ber niin India hian an dawt a, a sang pahnihin final hi an khel ang.

India squad

Rohit Sharma (capt), Shubman Gill, Cheteshwar Pujara, Virat Kohli, Ajinkya Rahane, KL Rahul, KS Bharat (wk), Ravichandran Ashwin, Ravindra Jadeja, Axar Patel, Shardul Thakur, Mohammed Shami, Mohammed Siraj, Umesh Yadav, Jaydev Unadkat.

Australia squad

Pat Cummins (c), Scott Boland, Alex Carey, Cameron Green, Marcus Harris, Josh Hazlewood, Travis Head, Josh Inglis, Usman Khawaja, Marnus Labuschagne, Nathan Lyon, Mitch Marsh, Todd Murphy, Matthew Renshaw, Steve Smith, Mitchell Starc, David Warner.