Keeper ṭha ber Ter Stegen - Xavi

Barcelona manager Xavi chuan German keeper Marc ter Stegen chu tun dinhmuna khawvela goalkeeper ṭha ber a nih thu a sawi. Catalan club hian zanin dar 1:30 hian Estadio de Vallecas-ah Rayo Vallecano an tlawh ang.

La Liga-ah Barca hi champion turin an dinhmun a ṭha a, Xavi hote hi Real Madrid tan umphak a harsa tawh dawn. Spanish manager chuan nimina press conference a neih ṭumin Ten Stegen hi a fak.

Xavi chuan, "Ter Stegen hi keeper ṭha a ni a, engkim tih dik vek duh mi a ni. Ka mimal ngaihdanah chuan tun dinhmuna khawvela goalkeeper ṭha ber a ni a, Barca khelh dan nen pawh a inmil. Hetiang keeper ṭha kan kawl hi ka lawm hle," tiin a sawi.