Delhi tan bowler che ṭha

Indian Premier League-ah Delhi Capitals match zawnin an chak a, hnehna an chan theih nan bowler-te an thawh hlawk. Thawhṭanni zan khan Delhi Capitals hian Sunrisers Hyderabad an hmachhawn a, over 20-ah 144/9 runs chauh siam mah se run sarihin hnehna an chang.

Delhi hian season bul an ṭan ṭha lo a, match hmasa pangaah an chak lo vek. Kar liam ta Ningani khan Delhi hian Kolkata Knight Riders an hmachhawn a, bowler-ten KKR hi 127 runs chauh an siamtir zarah wicket liin an hneh hram a, ball li chauh an dah bang.

Thawhṭanni zanah Delhi hian 144 runs chauh an siam a, top order-ah che ṭha fal tiha sawi tur an awm lo. Sunrisers bat hun a thleng a, Mayank Agarwal-a'n 49 runs siam mah se Delhi bowler lakah batter dangte an thamral avangin over 20-ah 137 runs chauh an siam. Delhi hi run sarihin an chak.