Mourinho naute an tlawm

Thawhṭanni zan Serie A inkhelah AS Roma-in Atalanta an hneh lo a, Jose Mourinho hote hi a sang pali aṭangin an chhuak.

Gewiss Stadium-ah mualneitu Atalanta an che ṭha a, first half-ah Mario Pasalic (39') hmanga hma an hruai hnuah Rafael Toloi (74') hmangin an khung belh.

Roma-in Lorenzo Pellegrini hmangin minute 83-naah siphurh sut ṭhen mah se Teun Koopmeiners hmangin Atalanta-in goal thumna an khung a, 3-1 in an chak.

Mourinho kaihhruai Roma hian match 31 aṭangin point 56 an hmu a, an chunga awm Milan nen an point hmuh zat leh goal difference inang mah se Milan-in goal an khung tam zawk.

Portuguese manager hian Roma hi match 100 a enkawlnaah a chakpui loh avangin season thara UCL khelh a harsa dawn. Chutihrualin Roma hi Europa League semifinal an thleng a, Serie A hmanga UCL an khelh phak loh pawhin Europa League hmangin kawng a la inhawng tho.