Reece James tan season a tawp

Chelsea manager lailawk Frank Lampard chuan tun season chhungin Reece James a inkhel thei dawn tawh lo tih a sawi. Premier League khelh hmabak pasarih an la neihah Mason Mount pawh a inlan a beisei awm loh bawk.

James hi malpui hliam vanga chawl mek a ni a, midfielder Mount hi khel bawr hliam a ni bawk. England international pahnih an inkhel thei tawh lo a nih chuan Blues tan channa lian tak a ni thei ang.

Lampard chuan, "Tun season atan Reece James a inkhel thei dawn tawh lo, aani ang bawkin Mason Mount pawh a nih hmel. Anni pahnih hliam hi keini tan chuan a pawi hle," tiin a sawi, an hmunruak luah thei tur erawh an nei.

Graham Potter thlaktu Lampard hian a vawi hnih nana Chelsea a enkawl hnuah result ṭha a la nei thei lo. Nizan khan Brentford an mikhual a, inkhel result kan hre hman lo.

Chelsea hian champion beisei theihna an nei tawh lo. Premier League-ah pawh a sang zual 10 zinga tel phak an harsat, season thara European football khelh pawh beisei ngam a ni lo a, an zahawmna hum tur erawhin a tawp thlenga an beih a ngai.