Europe pawnah UCL final khelh theih a ni - UEFA president

UEFA president Aleksander Ceferin chuan Europe-a football club inelna sang ber Champions League final chu Europe pawna khelh theih a nih thu a sawi a, kum 2026 final chu United States-a khelh theih a nih thu a sawi tel bawk.

Ceferin chuan, "Champions League game US-a khelh maw? Thil theih a ni. Hemi chungchang hi kan sawi ho tawh. Kuminah Istanbul-ah khelh a ni ang a, nakkumah London a ni leh ang a, kum 2025 final hi Munich-a khelh tur a ni a, hemi zawh lam hi kan thlir ang," tiin a sawi.

UEFA President chuan sawi chhunzawmin, "Fans ṭhenkhat chuan sum vang an ti dawn. Mahse, kan sum hmuh 97% hi kan sem ral vek. Kan sum lakluh hi a tam a, tam zel se ka duh," tiin sum vang a nih thu a pha lo.