UCL khel tur inchuhna

1. Arsenal leh Man City:

Nizanah club ṭha pahnih hi an inkhel a, tu zawk pawh chak se Arsenal leh Man City te hi chuan season tharah Chamions League an khel ngei ang.

2. Newcastle United:

UCL khel tur inchuhna

Eddie Howe hote hi belhchian an dawl ta hle. UCL khel tura an elpui Manchester United an hneh hnuin West Ham leh Brentford an hneh a, amaherawhchu Aston Villa lakah 3-0 ngawtin an tlawm. Magpies hi an insiamṭha a, an match hnuhnung berah an elpui Tottenham 6-1 ni an sawp a, Spurs manager lailawk Cristian Stellini-a'n a hna a chân phah. Zanin hian Newcastle hian relegation zone-a awm Everton an tlawh dawn a, hnehna an chang a nih ngat chuan UCL khel tura rinkai an ni pha ang.

3. Manchester United:

Erik Ten Hag hnuaiah Man United-in season ṭha tak hmang mah se hniam lai an neih avangin fak an harsa. Man United hian league-ah an elpui Newcastle United an hneh lo a, Europa League-ah Sevilla lakah an mualpho bawk. Chutihrualin Ten Hag-a hote hi League Cup an champion tawh a, FA Cup final an lut tawh tih hriat a ṭha a, UCL khel tura rinawm zinga mi an ni.

4. Aston Villa:

Rin loh lam aṭangin Aston Villa an rawn lang a, Unai Emery hnuaiah Villa-in nasa takin hma an sawn. Villa hian league match an khelh hnem tawh avangin UCL khel tura rinkai tih chu an har a, amaherawhchu tun hnaia an result duhawm tak avangin UCL khelh hi thil theih loh a ni lo.

5. Tottenham Hotspur:

London club hi Premier League club lian zinga chhiar an ni chho a, 'Big Six' zingah an tel. Amaherawhchu club inrelbawl dan fuh tawk loh avangin Antonio Conte an ban a, Italian manager thlak lailawktu Stellini pawh an ban leh tawh. Zanina Old Trafford-a an result-in season tawpa an dinhmun tur a hril ang a, Ryan Mason hmabak hi a harsa hle.

6. Liverpool:

Liverpool an nih avang te, Jurgen Klopp-a enkawl an nih avang te, Mohamed Salah telna team an nih avangte bakah Champions League meuh chawi tawh an nih avangin Europe inelna sang bera an inpet kai leh maia rinna a awm. Amaherawhchu tun season Liverpool hi chu an ngelnghet lo a, holam taka point hloh an ngah. Hemi a nih avang hian UCL an khelh hi a rinawm ta lo zawk a, chutihrualin English club ropuite zinga mi an ni a, beiseina la awm chhung chu theihtawp chhuahin an bei zel ang.

7. Brighton & Hove:

Seagulls-in Graham Potter hoin bul an ṭan a, English manager-in Chelsea a zawm tak avangin Roberto De Zerbi an lalut. Kum 43 mi De Zerbi hian khelh dan bik a nei a, a hun laia attacking midfielder hian passing game mawi a naute a khelhtir. Nikum October thlaa Manchester City an hneh loh ṭum te khan goal thum ngawt chhuah mah se tlarhnung aṭangin ball inpekchhuah an tum a, an khelh danah an chiang. Tunah chuan Seagulls hi Premier League club zingah anni aia passing game mawi khel an awm chuang lo a, pariatnaah awm mah se team dang aia an khelh tlem avangin UCL khelhna kawng hi a la inhawng.