Asian championship-ah Jeremy-a

Jeremy Lalrinnunga chu Asian Senior Weightlifting Championship-ah a inlan dawn. May 3-13 chhungin Jinju, Korea-ah neih a ni dawn a, inelna hmachhawn tur hian nizan khan India ram a chhuahsan.

Mizoram Weightlifting Association chuan Jeremy-a hi duhsakna an hlan a, hlawhtlinna a chan theih nan MWA chuan Mizoram mipuite chu ṭawngṭaipui turin a sawm a ni.

Kumin September 30 aṭanga October 7 chhung hian China khawpui pakhat Hangzou-ah pawh Asian Games a awm dawn, hemi atan hian Jeremy-a hi a tling sa tawh bawk a, 67kg huangah a khel ang.

Paris Olympic Games 2024-ah erawh 67kg a awm dawn loh avangin 73kg-ah a khelh a ngai dawn, a hmachhawp inelna pahniha a chet ṭhat dan a zirin Paris Olympic qualifier a khel zui dawn a ni.