Grassroots Football champion Republic Veng Centre

MSSC-Tata Trusts ṭangkawpin Mizoram hmun hrang hrangah Grassroots Football Academy an din. Aizawl DFA-in April 25-28 chhung khan Aizawl District chhunga heng academy tan hian inelna buatsaihin Republic Veng Centre an champion a, Aizawl District ai an awh ang.

District Level PMJVK Football Challenge-ah Aizawl bikah Grassroots Centre 17 aṭangin team 14 an chhuak a, naupang inelna a nih angin nu leh pa ten an ngaihlu hle.

Nimin khan RG Stadium-ah semifinal leh final khelh a ni a, Sesawng Centre leh Republic Veng Centre ten semifinal-ah Sakawrdai Centre leh Zemabawk North Centre te penalty hmang ve vein an hneh. Final-ah erawh Republic Veng Center an chungnung a, 2-0 in Sesawng Center an hneh a ni.