Hmahruai tur Man City?

Manchester City chuan Pathianni zan dar 6:30 hian Fulham an lenchilh dawn, hnehna an chang a nih chuan Arsenal nek chhuakin Premier League hmahruaitu an ni ang.

Pep Guardiola naute hian point hnihin Gunners an phak lo mek a, match hnihin an khel tlem thung. Tun kartawpah Arsenal an inlan dawn lo - Citizens tan a chung bera awm theihna remchang a ni.

North London club an hneh hnuah Pep hian Premier League nomawi chu an kuta innghat a nih thu a sawi tawh a, thlauh a tum lo. League match khelh hmabak pasarih an la neihah an chetsual a thiang dawn lo tihna a ni.