Paris lamah Neymar a kir

Inkhel turin la inpeih chiah lo mah se Neymar a dam leh hnai tawh - Ningani khan Paris Saint Germain training-na hmunah a inlan a, a ke hliam tuam bik nana an vuah pawh phelh a ni tawh.

Brazil international hi tun season chhung erawh chuan a inkhel dawn tawh lo a, tuna a dam chho ta erawh PSG tan chanchin lawmawm a ni ang - ball pet pangngai erawh a la hlat deuh.

February thla laihawl khan Lille nen an inkhelh ṭumin Neymar hi a hliam, khelmual aṭanga zawn chhuah niin zai a ngai zui, an ram Brazil lamah enkawl niin tunah erawh a ṭhiante inkhel a ṭawiawm thei leh tawh a ni.

Neymar hian tun season Ligue 1 match 20 aṭangin goal 11 a khung a, a ṭhiante khung tur vawi 13 a siamsak tawh bawk. A awm loh hlanin Lionel Messi leh Kylian Mbappe ten goal khung hna an lo thawk chhunzawm.

Ligue 1 champion lai leh hmahruai mektu PSG hian Pathianni zan dar 8:35-ah Lorient chu an lo mikhual dawn a ni.