Raducanu inkhel thei rih lo

Britist number 1 Emma Raducanu chu Madrid Open khelh tur aṭangin a inhnukdawk, a kut hliam vangin a inkhel thei rih lo. French Open khel tur erawhin a dam hman tura beisei a ni thung.

Ruahman dan chuan US Open 2021 champion Raducanu hi Viktoriya Tomova nena inkhel tur an ni, mahse a inlan theih tak loh avangin a khingpui tur hi inkhelh hah ngai loin a tlang ta a ni.

Kum 20 mi Raducanu hian season a hmang ṭha hran lo. Miami leh Stuttgart khelh zawh takah khan hneh nei loin a tla. Tun dinhmunah world number 85 a ni a, hmanni lawka Grand Slam champion ni mah se a ranking a hniam chak hle.