China rama inkhel tur Medvedev

Hripui leng vanga kum li chhung an chawlh hnuah China chuan mipa tennis tournament a thleng ve leh dawn. Asia khawmualpuia tennis inelnaah hian world number 1 hlui Daniil Medvedev a inlan dawn.

September 20-26 chhunga khelh tur Zhuhai Championship buatsaihtu lam chuan Medvedev inlan tur thu hi an tichiang tawh - Medvedev bakah khawvel huap player langsar dang pawh an inlan a rinawm.

Kum 27 mi Medvedev chuan, "China rama kan inkhel leh thei tur hi a lawmawm. Hengqin International Tennis Center-ah ngei mai a ni dawn a, khawmpui leh khelmual nuam tak hmuh hlan ka nghakhlel hle," tiin a sawi.

Russian tlangval hian US Open 2021 nomawi a chawi tawh a, hard court inelna lian dang Australian Open-ah ṭum hnih final a lut tawh bawk. China ramah hian hard court-ah inkhelh ṭhin a nih avangin a tan hmun ṭha a ni leh ang.