Hawks hnehin Boston Celtics an tlang

Boston Celtics chuan nimin zing khan Atlanta Hawks chu 128-120 in an hneh. NBA playoff khelh laiah best of seven series chu 4-2 a lain Eastern Conference semifinal an lut.

Jaylen Brown-a'n point 32 a neih bakah point 30 neitu Jayson Tatum te an khel ṭha a, inkhel inhnehtawk takah an dingchang. Conference semifinal-ah chuan Philadelphia 76ers an tum dawn - Sixers hian inkhel dangah Brooklyn Nets 4-0 in an lo sawp tawh a ni.

Boston Celtics leh Hawks te an inkhel tawk viau, hmahruaitu pawh ṭum 22 ngawt an inthlak. Match hmasa lama an chakna basket neitu Trae Young-a'n point 30 a neih bakah assist vawi 10 nei bawk mah se chak nan a tawk zo tawh lo.