Marquez a la intlansiak thei lo

MotoGP vawi ruk champion tawh Marc Marquez chu intlansiak thei loin a la awm mek. Pathianni zan dar 6:30-a tlan tur Spanish Grand Prix an tlan hunah pawh a la inlan thei rih dawn lo a ni.

Tun season intlansiak hmasa Portuguese GP-ah Marquez hi a chesual a, a hnu lamah a la inlan ve leh lo. Kum 2020 khan Jerez tlankawngah a chesual a, hemi aṭang hian ṭum nga ngawt zai a tawk tawh.

Spanish tlangval Marquez chuan, "Tun kartawpah hian intlansiak ve theih ngei kha ka beisei tawh a ni a, mahse a tawpa kan thutlukna chu tlan rih loh tih a ni leh ta zawk. Doctor-te chuan chawl rih turin min ti leh ta zawk a ni," a ti.

May 14 hian Bugatti Circuit-ah French Grand Prix an tlan dawn, hetih hunah hian Marquez chuan dam ver vawra inlan theih tawh a inbeisei.