Czech-ah Marquez intlansiak dawn lo

MotoGP champion lai Marc Marquez chu tun kar tawpa Czech Republic Grand Prix an tlan hunah a inlan thei dawn lo. Repsol Honda tan hian Alex Marquez bakah test rider Stefan Bradl a inlan ang.

Jerez tlan kawnga inelna an neih ṭumin Marquez hi a inhliam a, a ban ruh tliak zai a ni. Tun hnaiah a hliam hi zai nawn leh niin a chawlh rih a ngai dawn, intlansiak hmasa pathum aṭangin point a hmu dawn lo tih a chiang.

Honda chuan thuchhuah siamin, "A ban ruh vawi hnih zai a nih hnuah Marc Marquez chungchang hi ngun taka ngaihtuah a ni a, team chuan Czech Republic-a inlan rih lo turin thu a ti tlu," an ti. Season kal laiah intlansiak vawi hnih an nei tawh a, rider beisei awm Fabio Quartararo chuan hnehna chang ve ve in point 50 a nei tawh. Yamaha bike khalhtu hi Czech-ah pawh enbik hlawh a ni leh ang - Marquez tan pawh nomawi humhim a harsat phah dawn.