Man United tan Garnacho a rinawm

Manchester United rawlthar duhawm Alejandro Garnacho chuan June 2028 thleng atan a contract neih lai chu a pawtsei. Argentine rawlthar Garnacho chuan, "Club ropui tak a ni a, Old Trafford-a inkhelh hi ka lo suangtuah ṭhin a ni. Ka duhthusam ti theia ka awm hi ka inchhuang hle," tiin a sawi.

Kum 18 mi Garnacho hian Erik Ten Hag hnuaiah match 29 an khel tawh a, goal li a khung bakah assist vawi nga a nei tawh. February thla khan Southampton inhmachhawn ṭumin a inhliam a, tunah erawh training a zawm leh tawh thung.