James hoin Lakers an tlang

Los Angeles Lakers chuan Memphis Grizzlies chu 125-85 in an hneh a, best of seven series hmanga chak zawk zawnnaah 4-2 a chungnung zawkin an tlang.

Lakers hian Western Conference semifinal an lut. LeBron James awmna Lakers hian regular season kha an hmang ṭha lo, harsa takin playoff hi an khel phak hram - inelna boruak sang chinah erawh player ṭha kawltu an nihna an lantir.

James-a'n minute 31 chhungin point 22 a nei a, team tana mimal point nei hnem ber erawh D'Angelo Russell niin, ani hian point 31 a nei; basketball inelna ngaihhlut berah hian playoff chinah match khata point a neih tam ber ṭum a tawng.

Lakers an tlang lai hian Golden State Warriors erawh Inrinni khan Sacramento Kings lakah 118-99 in an chak lo a, team pahnih hi series-ah 3-3 in an inhnehtawk, nizan zanlai khan a tlang tur zawk chinfel niin result erawh kan hre hman lo.