AFC Cup khel tur Odisha

Asian football-a club inelna sang ber dawttu AFC Cup khel turin Odisha FC an inpettling a, Hero Super Cup champion hian AFC Cup playoff match-ah I League champion Gokulam Kerala chu 3-1 in an hneh a ni.

Odisha tan striker chhuanvawr Diego Mauricio chuan hattrick siamin, goal thum a khung a, Gokulam tana Farshad Noor goal khungin awmzia a nei phak lo - Odisha tana Mauricio goal khung pakhat hi penalty aṭanga lut a ni.

Hero Super Cup champion Odisha tan Jerry Mawihmingthanga chuan inkhel bul ṭanin, bench aṭangin Paul Ramfangzauva a lut bawk.