Fans tel lo chuan a nuam lo - Tiger Woods

Tiger Woods chuan a hmuna entu awm loa golf khelh chu a nawmna a bo tur thu a sawi a, khawhar taka inkhelh chu a harsat tur thu a sawi tel bawk.

Covid-19 vangin golf pawh khelh theih a ni lo. TPC Harding Park-a khelh tur US PGA Championship hi kumina major tournament an khelh hmasak ber tur niin, hripui leng mek avangin a hmuna entu an awm lo ang.

American golfer Woods chuan, "A harsa dawn a, bengngawng ang mai kan ni dawn. Chutih rualin inelna lian a nihna erawh a la bo lo, a nawmna tam tak bo mah se inkhelh hrim hrim erawh kawng 

ṭhenkhatah chuan a nuam dawn tho," a ti.

Hliam leh harsatna hrang hrang vangin Woods hi a inkhel mumal lo rei hle, season hmasa khan rawn kir lehin a major title 15-na a la. Kuminah pawh hliam nei loa a khel tluang a nih chuan inelna ti kimtu ni loin champion thei zinga mi a ni leh ang.