US Open-ah Sumit Nagal

India tlangval tennis khel thiam Sumit Nagal chu US Open-ah qualifier khel ngai loin a inlan thei dawn, player langsar inhnukdawk an tam avangin Nagal tan hmun a awm theih phah.

Tun dinhmunah Nagal hi world number 127 a ni a, Grand Slam main draw khel turin mi 128 tan hmun a awm - US Open website lama an tarlan danin a vannei zingah a tel chiah chiah tihna a ni.

Season hmasa khan Nagal hian qualifying-ah match thum hnehna a dang a, main draw a match hmasa berah Roger Federer nen an intum. Swiss legend hi ngam lo mah se a khingpui avang hian a lar phah viau.

Indian tennis player zingah chuan Nagal chauh hi 2020 US Open khel tur a awm. World number 132 ni lai Prajnesh Gunneswaran chuan inelna tak hmachhawn turin qualifier a paltlang phawt a ngai ang.