CYMA Football; Team 22-in entry fee pe tawh

Central YMA leh Mizoram Football Asso-ciation te ṭang dun buatsaih LBS Suzuki Inter Branch YMA Football Tournament 2023 chu thla thar May 18 aṭangin khelh ṭan a ni dawn. Nimin thleng khan entry fee hi Branch 22-in an pe tawh. May 12, Zirtawpni thleng a pek theih ang.

Entry Fee hi Rs 1,000 a ni a, Central YMA Office-ah May 12, Zirtawpni thleng a pek theih ang. CYMA Football hi Mizote 'World Cup' ti hiala sawi ṭhin a ni a, ngaihhlut a hlawh ṭhin hle.

Kum 1985 aṭang khan khelh ṭan niin Armed Veng chu champion hmasa ber an ni. Inelna hi vawi 20 neih a ni tawh a, veng/khua 11 an champion tawh. Armed Veng (5), Electric Veng (3), Chaltlang (2), Dinthar (2) leh Ramhlun South (2) te chu vawi khat aia tam champion tawh an ni a; Chanmari, Kanan Veng, Lengpui, Ramthar Veng, Republic Veng leh Zotlang te vawi khat ṭheuh an champion tawh bawk.