Spain ramah Bagnaia a chak

MotoGP rider champion lai Francesco Bagnaia chuan Spanish Grand Prix-ah hnehna a chang a, Italian tlangval hian tun season intlansiak an neih tawh chinah point 87 hmuin rider championship hmahruaitu a ni.

Ducati rider hian lap tlan hmabak pathum an la neih aṭangin hma a hruai a, amah hnaih bertu leh sprint race lama che ṭha Brad Binder hmaah a thleng - KTM rider nen an inkarah hian 0.221secs chauh a awm.

Dinder-a teammate Jack Miller chu pathumna a ni. Jerez tlankawng an luh hma hian Marco Bezzecchi chu hmahruaitu a ni a, mahse lap 17 an tlan laiin a chesual a, a tlan zui thei tawh lo - championship lama a dinhmun a hloh chhunzawm nghal.

Kum 26 mi Francesco Bagnaia chuan, "Ka tan chuan kartawp rei tak a ni. Zirtawpni kha kan bike leh taksa lamah harsatna ṭhenkhat ka tawk a, chutiang chunga intlansiak pangngaia hnehna ka chang hram chu thil lawmawm tak a ni lehzual," a ti.