Vannei takin ka chak - Swiatek

Tun dinhmuna hmeichhe tennis player ṭha ber a ni chungin Iga Swiatek hi a inngaitlawm thei hle. Madrid Open khelh laiah Swiatek hian Pathianni zan khan Bernarda Pera chu straight set hmangin a hneh.

Polish nula hian 6-3, 6-2 in hnehna a chang a, tun season clay clourt inelna a hmachhawn tawhah a zawnin match ruk a chak tling ta chiah, hnehna a chan hnuah vannei taka chak a nih thu a sawi.

World number 1 Swiatek chuan, "Veikhawr hmachhawn hi chu engtik lai mahin a awlsam ngai lo, an ball rawn vuak pheina hi kan tana dawnsawn harsa laiah tak a ni ṭhin. Tun ṭumah pawh hian set hloh loin ka chak ngei mai, mahse ka vanneih vang a ni," tiin a sawi.

Hnehna chang tur hian darkar khat leh minute 15 hun a hmang. A match lehpekah chuan seeded 16-na Ekaterina Alexandrova a hmachhawn leh ang, ani hian inkhel dangah Chinese nula a lo hneh ve thung a ni.