Match 1000-naah Mumbai an mawi

Mumbai Indians-in Indian Premier League match 1000-naah Rajasthan Royals an hneh a, hun pawimawh bikah hian 214 runs siamin an target sang ṭha tak chu an umpha.

Wankhede Stadium-ah Royals-in bat hmasak an thlang a, opener Yashasvi Jaiswal-a'n 124 runs a siam avangin over 20-ah 212/7 runs an siam tling.

Mumbai-in IPL-ah target 200 chin chunglam an la umpha ngai lo. Rohit Sharma-a'n run thum bak a siam lo a, top order dang an che ṭha thung.

Suryakumar Yadav-a'n ball 29 lekah 55 runs a siam a, Ishan Kishan (28) leh Cameron Green (44) ten an belh ṭha bawk.

A tawp thlengtu chu Tilak Varma (29*) leh Tim David (45*) te an ni a, Singapore-a piang Australian cricketer Tim David hian over tawp berah six vawi thum a vaw chhuak. Mumbai-in over 19.3-ah 214/4 runs siamin hnehna an chang.

Inkhel dangah Chennai Super Kings-in 200/4 runs siam mah se Punjab Kings-in ball tawp berah run thum an siam a, wicket liin hnehna an chang.