Zaninah DFB-Pokal semifinal

DFB-Pokal semifinal hnuhnung zawk chu zanin dar 12:15 hian VfB Stuttgart leh Eintrancht Frankfurt ten Mercedes-Benz Arena, Stuttgart-ah an khel dawn. Nizan khan semifinal hmasa zawkah SC Freiburg leh RB Leipzig te an inkhel tawh bawk.

VfB Stuttgart hi Bundesliga-ah 15-naah an awm a, relegation zone-a awm nen an point hmuh a inan reng avangin an dinhmun a ṭha lo. Eintrancht Franfurt erawhin pakunaah an awm a, tlak hlauhawm ni lo mah se season thara Europe inelna tel tur chuan insiamṭhat an mamawh.

Team pahnih tan season ṭha tak tia sawi tur a ni lo ve ve a, amaherawhchu German Cup-a an champion erawh chuan season ṭha bik tia sawi theih tur a ni dawn.

Frankfurt hian 2017–18 season khan final-ah Bayern Munich hnehin nomawi hi an chawi a, tun ṭumah pawh hian chak tura rinkai zawk an ni ang. VfB Stuttgart erawh German Cup-a an champion hnuhnun ber chu 1996–97 daih tawh kha a ni a, amaherawhchu anmahni muala khel tur an ni.

Final hi June 3, 2023 hian Olympiastadion, Berlin-ah khelh tur a ni ang.