Zverev laka phuba latu Alcaraz

Carlos Alcaraz chuan Alexander Zverev 6-1, 6-2 a hnehin Madrid Open quarterfinal a lut. Spanish star hian season hmasa French Open aṭanga amah hnawtchhuaktu lakah phuba a la let ve leh ta chiah.

Player pahnih hi clay court-a inkhel thiam an ni a, inkhel hmuhnawm an chhawp chhuak ṭhin. Madrid Open vawi hnih champion tawh Zverev hian ni danga a inkhel a phak lo, kawng engkimah Alcaraz a chungnung.

US Open champion Alcaraz hian set khatnaah hian ama service bikah phei chuan point hnih chiah a hloh, set hnihna pawh a thunun hneh hle - semifinal lut tur chuan Karen Khachanov a paltlang leh a ngai dawn a ni.

Inkhel dangah Khachanov hian amah ang bawka Russian player Andrey Rublev 7-6 (10/8), 6-4 in a hneh. World number 3 Daniil Medvedev pawhin Russian player tho Aslan Karatsev chu 7-6 (7/1), 6-4 in a lo hneh ve bawk.

Hmeichhe singles lamah Aryna Sabalenka chuan Mayar Sherif lakah 2-6, 6-2, 6-1 in hnehna a chang a, inkhel dangah Maria Sakkari chuan Irina-Camelia Begu 6-7 (3-7), 6-4, 6-2 in a hneh ve thung - Sabalenka leh Sakkari te hi final luh inchuhin an intawng chhunzawm ang.

Nizan khan world number 1 Iga Swiatek leh seeded pathumna Jessica Pegula te chuan match an nei a, an result kan hre hman lo.