Delhi chak nan bowler-te che ṭha

Indian Premier League-ah Delhi Capitals chuan Thawhlehni zan khan Gujarat Titans chu run ngain an hneh a, Delhi chak nan an bowler-te an che ṭha.

Narendra Modi Stadium-ah Delhi batter Phil Salt chu Mohammed Shami-a'n ball hmasa berah a vawm hlum nghal a, top order ho che chhe mah se middle order-in an chhanhim. Axar Patel (27), Aman Hakim Khan (51) leh Ripal Patel (23) te zarah 130/8 an siam hram a, chak a la harsa dawn.

Champion lai Gujarat Titans bat hun a thleng a, Hardik Pandya chuan thi loin 59 runs siam mah se a tawp a khar thei bik lo.

Over 19-naah Rahul Tewatia chuan a zawnin six vawi thum a vua a, over tawp berah chak turin 12 runs siam a ngai - thil theih a ni. Delhi tan Ishant Sharma a rawn pen chhuak a, over tawp berah hian run ruk chauh pein Titans hian over 20-ah 125/6 chauh an siam. Capitals run ngain an chak.

May 2, Thawhlehni
DC (130/8) bt GT (125/6)
Delhi Capitals run ngain an chak

Zanin Inkhel Tur
Sunrisers Hyderabad 7:30 PM Kolkata Knight Riders