Celtics leh 76ers an intluktawk

Boston Celtics chuan Philadelphia 76ers lakah tlawm zawk nih mai an tum bik lo. Celtics hian nimin zingah 121-87 in hnehna an chang. NBA Eastern Conference semifinal khelh laiah team pahnih hi 1-1 in an intluktawk mek.

Jaylen Brown-a'n point 25 a neih bakah bench aṭanga lut Malcolm Brogdon chuan point 23 a nei bawk. TD Garden, Boston-a inkhel an ni bawk a, inkhel an thununin harstana liantham an tawk meuh lo.

Sixers tan Joel Embiid a lo kir tawh. NBA Most Valuable Player atana thlan hlim hi tun hnaiah khup hliam vangin kar hnih chhung a chawl, award dawn boruak nen beiseina nei mah se a team a chakpui zo ta rih lo a ni.

Point 15 neitu Embiid chuan, "Ball kan inchuh khan a chungnung zawk an ni deuh zel a, keiin aiin chak duhin an tuihal nasa zawk niin a lang, min beihna lai kha kan dangchat thei lo bawk," tiin an khel ṭha tawk lo tih a pawm.

Celtics player pariat ngawtin 3-points an nei thei a, ṭum 20 zet an shot hlawhtling - an khingpui Philadelphia 76ers player erawhin an harsat, ṭum 30 an shot zinga paruk chiah a hlawhtling.