Cristiano Ronaldo a hlawh tam ber

Forbes-in thla 12 chhunga infiammite sum lakluh dan a zirchiannaah Cristiano Ronaldo chuan sum a lalut tam ber. Kumin January thla khan Ronaldo hian Al Nassr a zawm a, Saudi Arabian club hian sum ṭhahnem tak an hlawhtir avangin kum 2017 hnua a vawi khat nan khawvela infiammi sum lalut tam ber a ni.

Portugal forward hian Forbes-in a tarlan danin thla 12 chhung khan dollar maktaduai 136 (£108.7m) a lalut a, Al Nassr-a a contract hi kum khatah euro maktaduai 200 aia tam niin sawi a ni. World Cup-a Argentina champion puitu Lionel Messi chuan euro maktaduai 130 a hlawh a, PSG tana khelhpui Kylian Mbappe chuan Messi hi euro maktaduai 10-in a pha lo.

Infiammi sum lalut tam 10 zingah boxer Canelo Alvarez a lang a, basketball player pathum LeBron James, Stephen Curry leh Kevin Durant a lang bawk. Golfer pahnih Dustin Johnson leh Phil Mickelson te hming a lang a, tennis player zingah Roger Federer hming a la lang pha!