Atletico an chak chiang

Nilaini zan khan Atletico Madrid chuan 5-1 in Cadiz an hneh a, La Liga table-ah Real Madrid tlan pelin pahnihna dinhmun an luah zui - match 33 aṭangin point 69 an nei a, Real nen khelh zat inangah point khatin an sang zawk.

Atletico tan hian Antoine Griezmann chuan goal hnih khungin, Álvaro Morata, Yannick Carrasco (penalty) leh Nahuel Molina ten goal khat ṭheuh an khung bawk a, mikhual Cadiz tana Anthony Lozano goal khungin awmzia a nei phak lo.

Diego Simeone naute hian hnehna an chan rualin, champion beiseina erawh a awm tawh lo tiin a sawi theih a, point 13-in hmahruaitu Barcelona chu an phak lo mek - Catalan club hian May 14 zanah Espanyol an lenchilh dawn a, an chak chuan an champion ang.