Dan theih loh Alcaraz

Carlos Alcaraz hi dan theih loh ang maiin a kal mek. Spanish rawlthar hian a hma a ding apiang chu a hneh zel - Nilaini zan khan Karen Khachanov lakah fiahna tawk ve mah se 6-4, 7-5 in a chak.

Madrid Open khelh laiah Alcaraz hian match hautak a la hmachhawn meuh lo tiin a sawi theih, player tawhkhirh deuh tura ngaih pawh awlsam angreng takin a hneh zel - vawiin tlai hian Daniel Altmaier hnehtu Borna Coric nen an inkhel leh ang.

Kum 19 mi Alcaraz chuan, "Set hnihnaah kha chuan ka service hloh theihna hun a awm nual," a ti. A khingpuiin a service chhuhsak theihna remchang ṭum nga a hmuh zinga pali chu a lakir leh thei a, ṭum khat erawh a hloh ve thung a ni.