Mumbai an che ropui leh tawh

Mumbai Indians-in match zawnin target 200 runs chuang an khum a, table hnuai lam aṭangin paruknaah a nawm chhoh phah bawk.

Punjab Cricket Association Stadium-ah mualneituin Punjab Kings-in 214/3 runs an siam a, target harsa bik hi Mumbai Indians-in over 18.5 lekah 216/4 runs siamin hnehna a chang.

Punjab Kings tan Liam Livingstone (82*) leh Jitesh Sharma (49*) ten thi loin run ṭhahnem tak an siam a, over 20-ah 214 an siam tling hial.

Mumbai captain Rohit Sharma-a'n ball thum a hmachhawn tihin run khat pawh siamin loin pavilion-ah a kir a, amaherawhchu a nauten hna ṭha tak an thawk.

Ishan Kishan-a'n 75 runs a siam a, Suryakumar Yadav-a'n 66 runs siamin Tim David (19*) leh Tilak Varma (26*) ten an tawp an khar. Over hnih a la awmin 11 runs siam a la ngai a, Punjab bowler Arshdeep Singh chu Tim David-a'n four a vuak sak bakah Tilak Varma-a'n six a vuaksak.