MPFA-in Robert-a an thlah

Mizo Professional Footballers Association chuan nimin khan Khawzawlah Charity Match an buatsaih a, MPFA chuan Mualvawm Field-ah KZDFA chu 8-2 in an hneh.

Charity match hi football hmanga Khawzawl tihmingṭhatu Robert Lalthlamuana thlahna hun atan an hmang a, an sum hmuhchhuah hi Grace Camping Centre, Lungvar leh Chhanchuahna Home, Zuchhip ṭanpui nan an hlan.

MPFA tan hian Robert bakah Jeje Lalpekhlua, Lianzuala Chhangte, Daniel Lalhlimpuia, Jerry Mawihmingthanga, R. Laldanmawia, Ramhlunchhunga leh Edmund Lalrindika ten an khung.

MPFA chuan 3:16 Plan solution Player of the Season leh Young Player of the Season atan Lallianzuala Chhangte leh Isak Vanlalruatfela te an thlang a, chawimawina hi an hlan nghal a ni.