Thompson hoin Warriors an chak

NBA champion lai Golden State Warriors chuan nimin zing khan Los Angeles Lakers 127-100 in an hneh a, Western Conference semifinal khelh laiah team pahnih hi 1-1 in an inhnehtawk mek. May 7, Pathianni zing dar 6:00-ah game 3 an khel leh ang.

Chase Center-a inkhelah Golden State tan Klay Thompson chuan point 30 a nei a, an thiampuipa Stephen Curry pawhin point 20 a neih bakah assist vawi 12 a nei bawk a, game hmasa lama an chak lohna lai an siam ṭha.

Game 1 lama Lakers chak puitu Anthony Davis kut a kal lo, point 11 chauh a nei thei. LeBron James (23 points) leh Rui Hachimura (21) te khel ṭha pangngai mah se team chak pui nan a tawk zo lo.

GSW chakpuitu Thompson chuan, "Zawi muangin kan kal ang, game khat atan chuan vawi khat chak a tawk. Series-ah 1-1 a ni a, tunah chuan Los Angeles lam pana feh chhuak turin kan inbuatsaih ang," a ti.