Taekwondo belt exam nei

Mizoram Amateur Taekwondo Association buatsaih 1st Session Colour Belt Exam chu Electric Veng Indoor Stadium-ah May 5, Zirtawpni khan buatsaih a ni a, club pakua aṭangin taekwondo zirlai 150-in exam hi ṭha takin an paltlang.

Belt exam-ah hian colour belt chi hrang hrang, yellow aṭanga red belt inkar te examin subject hrang hrang - physical fitness, basic technique, hand & leg technique, poomsae, self defence, sparring, breaking, speed endurance te an exam.

Exam zingah hian Abigail Lalhruaitluangi (kum 4 & thla 8), Bethlehem Vengthlang, Aizawl Taekwondo Academy, Electric veng zirlai Yellow belt exam chu a naupang ber. Ti ṭha ber chu N. Biakmawii Ramhlun South, Aizawl Taekwondo Academy a ni thung.

Kumin atana colour belt exam session hmasa ber hi April leh May thla chhung hian Mizoram district hrang hrangah kalpui mek zel a ni a. Lungleiah belt exam hi buatsaih a ni tawh - Serchhip, Khawzawl, Kolasib leh Mamit District-ah te exam hi buatsaih leh a ni ang.