Alvarez a chak nuam sa

Khawvel boxer rothap ber zinga mi Saul 'Canelo' Alvarez chuan Pathianni zing khan an ram Guadalajara-ah Britain boxer John Ryder chu unnanimous decision-in an hneh. Mexican champion Alvarez hian super-middleweight champion nihna chu a humhim a, judge pahnihin Alvarez hi 118-109 leh 120-107 in an chaktir.

Alvarez hi weight paliah a champion a, professional a nih hnuah fight 59 hmachhawn tawhin vawi hnih chiah chak lo a nei a, vawi hnih inhnehtawk a nei bawk. Mexican boxer chuan, "Kan inhnek danah ka lawm a, hnehna kan chan avangin ka lawm a, mipuiin inhnek ṭha tak an hmuh avangin ka lawm bawk," tiin a sawi.

Promoter Eddie Hearn chuan, "John Ryder-a'n world class boxer a nihzia a pholang lang a, chutihrualin Canelo erawh bxoer piang tawha ṭha ber zinga mi a ni. Canelo a ropui a, John pawhin zah a phu," tiin boxer pahnihte a fak ve bawk.