IPL boruak a hot

Indian Premier League-ah round 14 khelh tur a awm a, round 10 an khelh zawh tawh avangin boruak a 'hot' ṭan hle. Chennai Super Kings-in Inrinni khan tun hnaia che ṭha Mumbai Indian chu wicket rukin an hneh.

Mumbai Indians hian match hnuhnung pahnihah an target 200 chuang chu an umpha ve ve a, ṭhumvawrah Chennai an vanneih avangin Rohit Sharma hote hi an bat hmasak tir thung. Mumbai top order ho an che fuh loa; Nehal Wadhera (64), Suryakumar Yadav (26) leh Tristan Stubbs (20) te zarah 139 runs an tlin.

Chennai Super Kings tan target sang a ni lo a, over 17.4-ah 140/4 runs siamin hnehna an chang. MS Dhoni hote hian an elpui Mumbai Indians an hneh avangin playoff khel turin an dinhmun a ṭha sawt a, chutihrualin playoff khel tur chuan match thum khelh hmabak chet ṭhat a la pawimawh hle.

May 5, Zirtawpni
GT (119/1) bt RR (118)
Gujarat Titans 9 wicket-in an chak

May 6, Inrinni
CSK (140/4) bt MI (139/8)
Chennai Super Kings wicket rukin an chak
DC (187/3) bt RCB (181/4)
Delhi Capitals wicket sarihin an chak

Zanin Inkhel Tur
Kolkata Knight Riders 7:30 PM Punjab Kings