Nadal a la inhnukdawk zel

Rafael Nadal chu tun kara khelh tur Italian Open aṭangin a inhnukdawk. Spanish player hi a khel barw hliam vangin January thla tawp lam aṭang khan a la inkhel leh lo, tun hnaiah a inhnukdawk tam ta hle.

May 21 aṭangin French Open khelh a ni dawn. Paris khawpuia khelh tur Roland Garros-ah hian Nadal hi champion lai leh vawi 14 ngawt nomawi chawi tawh a ni, a inlan thei dawn em tih a chiang thei ta rih lo.

Kum 36 mi Nadal chuan, "Rome-ah ka inkhel thei dawn lo tih thu sawi hi hrehawm ka ti hle. Ka tan chuan a zawna clay court tournament khelh theih loh pawp pawp mai chu a lungchhiatthlak a, eng ang takin nge hremawh ka tih ang tih chu in hrethiamin ka ring.

"Tun hnaia ka dam chho ve leh deuh a, mahse tournament pangngai meuh khel tur chuan ka la dam tawk lo. Ka suangtuah leh duhthusam loh anga ka awm rih a ngaih chang a awm ta a ni," a ti.

Nadal hian Grand Slam nomawi 22 a chawi tawh a, major title lak hnem lamah Novak Djokovic nen an intluk tawk mek. Serbian star pawh hi ni zana khelh zawh tak Madrid Open-ah khan hliam vangin a inlan thei bik lo.

French Open hmain Rome Open hi inbuatsaihna ṭha leh hnuhnung zinga mi a ni dawn - Djokovic chu inlan thei tura ngaih a ni. Nadal erawh French Open atan a dam hman a nih pawhin inbuatsaihna ṭha chu a nei ve hman dawn ta lo a ni.