Titans-in playoff an hnaih

Gujarat Titans-in Pathianni khan Luknow Super Giants a hmachhawn a, 56 runs-in an sawp. Tun season IPL-ah champion lai Titans hi match riat an chak tawh a, playoff khel turin an dinhmun a ṭha hle.

Narendra Modi Stadium-ah Titans-in an bat hmasa a, Shubman Gill-a'n thi loin 94 runs a siam a, Wriddhiman Saha-a'n 81 runs a siam ve bawk. Titans hian over 20-ah 227/2 runs an siam thei a, Lucknow tan a tam mah mah. Super Giants hian over 20-ah 171/7 runs chauhin an chhanglet.

Inkhel dangah Rajasthan Royals-in 214/2 runs vaw chhuak mah se Sunrisers Hyderabad-in ball tawp berah an khum a, 217/6 runs siamin wicket liin an chak.

Zanin dar 7:30 hian Mumbai Indians leh Royal Challengers Bangalore te Wankhede Stadium-ah an inkhel ang.