Nadal a dam hman beiseitu Federer

Roger Federer chuan a inkhelh laia a elpui ber, a ṭhian ṭha ni bawk Rafael Nadal chu dam thuai turin duhsakna a hlan. Spanish star tel lo chuan French Open chu a hlu tawk lo mai ang tih a hlau.

Nadal hi a khel bawr hliam vangin a chawl rei ta hle. January thlaa khelh zawh Australian Open hnuah inelna a la hmachhawn leh miah lo, clay court season kal laiah pawh tournament a hmachhawn tur aṭangin a la inhnukdawk zel rih a ni.

Grand Slam vawi 20 champion Federer chuan, "Rafa tel lo chuan Roland Garros chu a khawhar thlak khawp ang, a khalh a kim thei lo ang. Rome Open aṭangin a inhnukdawk tih ka lo hria a, pawi ka ti hle.

"Mahse, French Open khelh hmain a dam hman ka beisei," a ti. Swiss star hian Novak Djokovic pawh French Open champion turin a ṭha tawk tih a sawi a, an pahnih hian inelna hmachhawn thei ngei turin a duhsak.

Nadal hian French Open nomawi hi vawi 14 ngawt a chawi tawh a, a champion hnem fal hle. Grand Slam dangte nena khaikhin pawhin, inelna lian pakhata champion hnem ber a ni phak.

Clay court inelna lian French Open hi May 22 aṭangin Paris khawpuiah an khel ṭan ang.