Kvitova a inhnukdawk

French Open inbuatsaihna zinga mi Italian Open aṭangin Petra Kvitova a inhnukdawk. World number 10 hian a kephah hliam vangin tennis a la khel mumal thei lo tih a sawi.

Czech nula Kvitova chuan, "Vanduai thlak takin ka kephah ding lam hliam a la damlo, ka tan pangngai taka tennis khelh theih a la ni lo deuh. Ka team-te nen kan sawi ho a, inkhel rih lo turin thutlukna kan siam. Italian Open hi nuamti taka ka inkhelh tawhna ṭhin a ni a, ka inlan thei lo tur hi ka uiin a lunglen thlak hle," tiin a sawi.

Italian Open-ah hian 2012 leh 2015 khan Kvitova hian quarterfinal a lo lut tawh. Inelna hi vawiin aṭanga khelh tur niin May 20, Inrinniah a hmawr bawk tur a ni ang.