Serie A-ah an intluktawk

Tun season Serie A-ah Milan derby hi ṭum hnih a awm tawh a, nikum September thla khan Milan hian 3-2 in hnehna an chang. Kumin February-ah Inter 1-0 in an chak thung. Supercoppa Italiana chhiar tel chuan kumin bikah Inter an chak ve ve a, Milan-in goal an khung lo bawk.

September 3, 2022-a an inkhelh ṭum hian Inter-in Marcelo Brozovic hmangin minute 21-naah khung hmasa mah se Milan-in Rafael Leao goal hnih (28', 60') leh Olivier Giroud (54') te hmangin an chhanglet. Inter-in Edin Dzeko hmangin khung leh bawk mah se goal dang a luh belh lo a, 3-2 in Milan an chak.

Milan-in hnehna an chan theih nan goal hnih khungtu Leao a che ṭha a, hun tawp lamah keeper Mike Maignan a che ṭha bawk.

Kumin February khan a ṭum hnih nan Milan Derby hi hmuh leh a ni a, goal khat chauh a lut. Minute 34-naah Lautaro Martinez-a'n goal awmchhun a khung a, Milan-in a chhanletna an nei lo.

An inhmachhawn hnuhnun berah hian Inter an chungnung hrim hrim a, Milan-in goal zawnah vawi khat pawh an pet lo. Martinez-a chet ṭhat ṭum ni se hattrick siam thei a ni a, Romelu Lukaku pawhin khung belh theihna hun ṭha a hlah bawk.

September 3, 2022

AC Milan (4-2-3-1): Maignan; Calabria (Kjaer 84'), Kalulu, Tomori, Hernandez; Tonali (Pobega 84'), Bennacer; Messias (Saelmaekers 72'), De Ketelaere (B. Diaz 63'), Leao; Giroud (Origi 73')

Inter Milan : (3-5-2): Handanovic; Skriniar, De Vrij (D'Ambrosio 84'), Bastoni (Dimarco 64'); Dumfries, Barella (Mkhitaryan 63'), Brozovic, Calhanoglu, Darmian (Gosens 84'); Martinez, Correa (Dzeko 64')

February 6, 2023

Inter Milan : (3-5-2) : Onana; Skriniar, Acerbi, Bastoni; Darmian, Barella (Asllani 90+4') Calhanoglu (Gagliardini 89'), Mkhitaryan (Brozovic 71'), Dimarco (Gosens 71'); Martinez, Dzeko (Lukaku 71')

AC Milan (3-5-2) : Tatarusanu; Gabbia (Thiaw 70'), Kjaer (Rebic 86'), Kalulu; Hernandez, Tonali, Krunic, Messias (B. Diaz 46', Calabria (Saelemakers 55'); Origi (Leao 54'), Giroud